कञ्चनपुर, ८ असोज - गएराति भारतीय नम्बरको मोटरसाइकलले ठक्करदिँदा एक जनाको मृत्यु भएको छ।
पूर्व पश्चिम राजमार्गअन्तर्गत पर्ने कञ्चनपुरको भीमदत्तनगरपालिका-५ त्रिपुरा नजिक युए ०३ एस ३१४१ भारतीय नम्बरको मोटरसाइकलले ठक्कर दिँदा साइकल सवार अन्दाजी ३८ वर्षीय लालु पहरीको मृत्यु भएको हो।
भीमदत्तनगरपालिका-१० सुकासालका साइकलमा सवार पहरीको उपचारका क्रममा मृत्यु भएको जिल्ला प्रहरी कार्यालय कञ्चनपुरका प्रहरी नायब उपरीक्षक नैनसिंह कार्कीले बताए। मोटरसाइकलमा रहेका भारतको टनकपुरका ३० वर्षीय भगवान दास र साइकल सवार पहरी घाइते भएका थिए।
घाइते दुवै जनालाई तत्कालै प्रहरीले उपचारका लागि महाकाली अञ्चल अस्पतालमा पु¥याउँदा उपचारकै क्रममा पहरीको मृत्यु भएको प्रहरी नायब उपरीक्षक कार्कीले बताए। भारतीय नागरिक दासको अझै महाकाली अञ्चल अस्पतालमा उपचार भइरहेको छ।
Comments
Post a Comment