युएई, ९ असोज - नेपाल वायु सेवा निगमले दुवईका लागि एउटा उडान थप गरेको छ।
यस अघि साताको तीन दिन दुवई उडान भर्दै आएको नेपाल एयरलाइन्सले अव साताको चार दिन उडान भर्ने भएको हो।
आइतबारदेखी सुरु नयाँ उडान तालिका अनुसार काठमाडौंबाट दुवईकालागि शनिबार, आइतबार, मंगलबार र बिहिबार राती ११ः३० बजे उडान हुनेछ। दुवईबाट आइतबार, सोमबार, बुधबार र शुक्रबार विहान ४ः१० मा उडान भर्ने एयरलाइन्सका युएई प्रमुख रमेश पौडेलले जानकारी दिए।
प्रत्येक फ्लाइटमा ८ विशेष र १ सय ५० अन्य सिटको व्यवस्था हुनेछ। एयरलाइन्सले दुवईमै कार्यालय स्थापना गरेर टिकट बिक्री वितरण गर्ने तयारी गरिरहेको छ। निगमले अहिले युएईको अजमानमा रहेको नेशनल ट्राभल एजेन्सीलाई स्थानीय आधिकारीक एजेन्टको जिम्मा दिएर काम गरिरहेको छ।
Comments
Post a Comment