नव प्रबेशि साथिहरुलाई रुखको छाहारिमा हार्दिक स्वागत, जय नेपाल

१५ फागुन, ओखलढुङ्गा । ओखलढुङ्गाको मुलखर्क गाविस स्थित ‘पारा’मा नेकपा एमालेका गाविस उपाध्यक्ष सहित १५४ जना नेपाली काङ्ग्रेसमा प्रवेश गरेका छन् ।

नेकपा एमालेका तर्फबाट विसं २०५४ मा निर्वाचित उपाध्यक्ष अक्कल बहादुर थापा मगर सहितका टोलीलाई आईतबार नेपाली काङ्ग्रेसका युवा नेता तथा सांसद रामहरी खतिवडाले पार्टी प्रवेश गराएका हुन् ।



गाविसको स्मृति युवा क्लव तथा खानी गाउँ युवा क्लवको नवनिर्मित भवन उद्घाटन कार्यक्रममा सांसद खतिवडाले उनीहरुलाई अविर लगाई पार्टी प्रवेश गराएका हुन् ।




पार्टी प्रवेश गराउने क्रममा सांसद खतिवडाले अहिले नेपाली काङ्ग्रेस मात्र लोकतन्त्रको पक्षमा रहेको बताउँदै कार्यकर्ताहरुलाई लोकतन्त्रको पक्षमा लाग्न आह्वान गरे ।

उनले भने, अहिले नेपाली काङ्ग्रेस मात्र लोकतन्त्रको पक्षमा छ । निर्वाचनको पक्षमा छ, त्यसैले चुनावका लागि सबैले तयारी गर्नुहोस्।